[开箱试玩] Metal Build迷惘高达红色机连飞行背包
时间:2020-06-09 出处:H生活谷
Bandai Metal Build高达係高达玩具系列中最高嘅级别,全身骨架以金属製造,配以精细造工同埋高可动性设计,质感实净得嚟又襟玩,所以当中唔少产品售价都会被炒高。Metal Build系列新作就出咗《机动战士Seed Astray》主角——迷惘高达红色机(下称「红迷」),等笔者同大家开箱睇睇
[开箱试玩] Metal Build迷惘高达红色机连飞行背包

Bandai Metal Build高达係高达玩具系列中最高嘅级别,全身骨架以金属製造,配以精细造工同埋高可动性设计,质感实净得嚟又襟玩,所以当中唔少产品售价都会被炒高。Metal Build系列新作就出咗《机动战士Seed Astray》主角——迷惘高达红色机(下称「红迷」),等笔者同大家开箱睇睇正唔正。

虽则红迷属于主角机,但始终係外传入面嘅机种,升值潜力一般乃预料中事。不过作为高达迷同玩具迷,成品嘅质素先係最重要。

[开箱试玩] Metal Build迷惘高达红色机连飞行背包
◆ 今次红迷同个背包分开卖,有少少畀人屈钱嘅感觉。[开箱试玩] Metal Build迷惘高达红色机连飞行背包
◆ 盒背面。[开箱试玩] Metal Build迷惘高达红色机连飞行背包
◆ 打开红迷个盒,係得咁多嘢咋。[开箱试玩] Metal Build迷惘高达红色机连飞行背包
◆ 咁红迷就係简简单单嘛。[开箱试玩] Metal Build迷惘高达红色机连飞行背包
◆ 比例都几靓。[开箱试玩] Metal Build迷惘高达红色机连飞行背包
◆ 留意红色部份有四种红色。[开箱试玩] Metal Build迷惘高达红色机连飞行背包
◆ 实体刀位置。[开箱试玩] Metal Build迷惘高达红色机连飞行背包
◆ 小腿都有四色。[开箱试玩] Metal Build迷惘高达红色机连飞行背包
◆ 大腿一连落小腿装甲都特别厚。[开箱试玩] Metal Build迷惘高达红色机连飞行背包
◆ 呢部份係连动。[开箱试玩] Metal Build迷惘高达红色机连飞行背包
◆ 武器一眼睇晒。[开箱试玩] Metal Build迷惘高达红色机连飞行背包
◆ 除咗两只拳头,仲送多9个唔同形态手掌。[开箱试玩] Metal Build迷惘高达红色机连飞行背包
◆ 唔好以为係金属,其实係胶剑,但有电镀再上色。[开箱试玩] Metal Build迷惘高达红色机连飞行背包
◆ 刀锋位置上咗不规则嘅银色。[开箱试玩] Metal Build迷惘高达红色机连飞行背包
◆ 可摆动作幅度唔大。[开箱试玩] Metal Build迷惘高达红色机连飞行背包
◆ 同之前嘅金迷天放埋一齐,唔讲唔觉係同一个骨架嘅机体。[开箱试玩] Metal Build迷惘高达红色机连飞行背包
◆ 反而个背包出奇地多件。[开箱试玩] Metal Build迷惘高达红色机连飞行背包
◆ 砌好咗可以当独立飞机咁摆。[开箱试玩] Metal Build迷惘高达红色机连飞行背包
◆ 整体非常精细。[开箱试玩] Metal Build迷惘高达红色机连飞行背包
◆ 每件组件都有可动关节。[开箱试玩] Metal Build迷惘高达红色机连飞行背包
◆ 装上咗红迷,玩法又唔同咗。[开箱试玩] Metal Build迷惘高达红色机连飞行背包
◆ 背面睇都需要几多空间。

背包分开发售

红迷跟同期嘅突击高达一样,可加装各款背包提升战力及适应不同状况,不过故事入面红迷最出名嘅并唔係背包,而係一把实体刀菊一文字。事实上红迷用过嘅背包唔多,主要係飞行背包同另一款变大剑嘅背包,因此唔少红迷模型都只係出净机体连菊一文字,今次Metal Build版做法亦一样。但向来最识捉摸玩家心理同计数嘅Bandai,又点会唔出多件另购嘅配件等大家拣?于是整多盒飞行背包嚟。

呜~主体不似预期

先讲红迷本身,一打开盒,发现除咗主体以外,配件花款不算多,笔者希望佢至少会跟埋虎撤,最好送埋当日PG版首回限定嘅单边刀架,等玩家可以将两把刀放埋同一边。言归正传,成只红迷造工几精细,比以往同系产品有过之而无不及。由于红迷本身装甲唔多,观察骨架外露嘅位置,就特别容易睇到佢造得有几仔细。同之前嘅迷惘高达金色机天蜜娜(下称「金迷天」)比较,红迷嘅骨架分成电镀红、上色浅金属红、上色鲜金属红同上色鲜红四种色彩(金迷天係四种金色),但因为色彩比较相近而畀到人更有立体嘅感觉,算係一个惊喜。

计身形比例,红迷可能畀人腿部略粗嘅感觉,箇中原因应该係小腿上半部同大腿前方装甲较大所致,整体而言仲係靓仔。之前玩金迷天,笔者已发现可动性唔多高,但碍于背包较大,武器又多,觉得可以接受。红迷只係轻装机体,原本谂住会似之前同系嘅能天使高达咁摆到超多动作,但Bandai竟然冇特登为红迷提升关节可动幅度,例如双手持刀角度非常有限。同时双腿因装甲太厚,摆唔到大角度姿势,腰部亦似乎因为要就个背包而唔太郁得,跟预期距离颇大,可玩度大打折扣。

但有佢  可以飞

笔者最初觉得飞行背包係Bandai屈钱嘅产品,开盒之后改变想法。除咗有专用支架方便独立摆设,成个飞行背包仲分开成6只翼,以及上下两个部份嘅机体,总共由8件组件构成。边砌边仔细睇,发现每件都做得好精细,几只翼甚至有好多鎅手嘅尖角,而且全部嘅关节数亦多于两个,喺佢身上完全感受到Bandai诚意,难怪个背包喺街炒到接近红迷嘅价钱。

要将飞行背包砌到红迷身上,先要变成背包形态,即係将背包上半部向后移,再将下半部嘅后方向内推,红迷亦需要将背部小型背包向下移动嚟结合。由于红迷可动性唔係特别高,砌背包上去其实对佢可动性冇乜大影响,装咗飞行背包后摆出空中攻击姿势更合理。如果你只係买咗红迷而冇买飞行背包,绝对係一大损失。



上一篇: 下一篇: