就嚟踏入2019猪年农曆年，有咩盛事？Miss Sunny咁为食，盛事梗係2019年第一餐聚会饭啦！难得努力默默耕耘咗一年，点都要食好啲奖励自己，迎来更好嘅一年啦。今次就带大家直击，本地10大最当造渔农产品，拎定贴士煮餐正菜开心share！记得留意文末，会有本地渔农美食嘉年华，畀你一次过扫货準备过冬！
10大精选！当造渔农产品！
1：清甜菜心
菜心够正气，不寒不燥，一家大细都啱食。冬天品种生长时间虽然较长，但糖份较多，尤其茎底爆口嘅菜心，名副其实甜到爆！
2：新鲜西洋菜
西洋菜要拣啲茎短，望落够挺身，深绿色而且菜叶浓密嘅就very good啦！
3：鹤薮白菜
粉岭旧时有只鹤薮白菜，已经喺香港失传咗好耐，好彩经过本地菜农同渔护署嘅努力，终于再次纯化同培植成功！
4：新鲜甘笋
新鲜甘笋口感爽脆，啱晒做前菜沙律，仲含丰富胡萝蔔素，食得多对眼都精灵啲！
5：爽甜车厘茄
车厘茄低卡又抗氧化，女神们摆定喺公司，口痕当小食一流！
6：本地新鲜蚝产品
比起夏天，踏入冬季嘅蚝产品更加肥美，肉质非常饱满而且带有光泽，用姜葱嚟煮最啱餐！
7：肥美乌头
啱啱捉嘅新鲜乌头，眼睛烔炯有神，够晒精灵，鱼嘴同鱼鳃都係鲜红色，简单用鹹柠檬蒸已经好好食。
8：肉多骨少宝石鱼
原产于澳洲昆士兰，肉多骨少，小朋友同懒人嘅恩物！仲含多元不饱和脂肪酸，有益又好味！
9：生猛沙巴龙趸
沙巴龙趸嘅肉质嫩滑，无论清蒸、红烧或炒球都得，煮法选择都好多。
10：鲜甜带甘黄鱲䱽
新鲜黄鱲䱽，识食一定係做封煎，慢慢煎锁住啲肉汁，外层香脆，鱼肉就软滑。
扫货时间！Mark实本地渔农美食嘉年华
讲咁耐，要有正菜食，始终都要有新鲜来货嘅！本地渔农美食嘉年华筹委会、蔬菜统营处仲有鱼类统营处举办咗个集合美食、优质渔农产品嘅嘉年华会。除咗有以上食材，仲会有本地新鲜蔬果、鲜花、厨具、家品等等，记得mark低以下日期拖埋妈妈一齐去啦！
2019 FARMFEST本地渔农美食嘉年华
Facebook：本地渔农美食嘉年华
日期:2019 年 1 月 4至 6 日
地点:旺角花墟公园
免费入场